Акцияларының (үлестерінің) елу және одан көп пайызы немесе акцияларының бақылау пакеті мемлекетке тиесілі мемлекеттік кәсіпорындардың, заңды тұлғалардың және олармен аффилиирленген заңды тұлғалардың (табиғи монополиялар субъектілерін қоспағанда) тауарларды кейіннен көтерме-бөлшек саудада сату мақсатында сатып алуы мемлекеттік сатып алу мәні болып табылмайтын тауарлардың тізбесін бекіту туралы Қазақстан Республикасы Үкіметінің 2005 жылғы 8 сәуірдегі № 318 Қаулысы (күші жойылды)

Акцияларының (үлестерiнiң) елу және одан көп пайызы немесе акцияларының бақылау пакетi мемлекетке тиесiлi мемлекеттік кәсiпорындардың, заңды тұлғалардың және олармен аффилиирленген заңды тұлғалардың (табиғи монополиялар субъектiлерiн қоспағанда) тауарларды кейiннен көтерме-бөлшек саудада сату мақсатында сатып алуы мемлекеттік сатып алу мәнi болып
табылмайтын тауарлардың тiзбесiн бекіту туралы
 Қазақстан Республикасы Үкіметінің 2005 жылғы 8 сәуірдегі № 318 Қаулысы

ҚР Үкіметінің 2010 жылғы 9 қарашадағы № 1177 қаулысымен күші жойылды

«Мемлекеттік сатып алу туралы» Қазақстан Республикасының 2002 жылғы 16 мамырдағы Заңын iске асыру мақсатында Қазақстан Республикасының Үкіметі ҚАУЛЫ ЕТЕДI:

1. Қоса берiлiп отырған Акцияларының (үлестерiнiң) елу және одан көп пайызы немесе акцияларының бақылау пакетi мемлекетке тиесiлi мемлекеттік кәсiпорындардың, заңды тұлғалардың және олармен аффилиирленген заңды тұлғалардың (табиғи монополиялар субъектiлерiн қоспағанда) тауарларды кейiннен көтерме-бөлшек саудада сату мақсатында сатып алуы мемлекеттік сатып алу мәнi болып табылмайтын тауарлардың тiзбесi бекітілсiн.

2. «Қазақстан Республикасы мүгедектерiнiң қоғамдық бiрлестiктерi құратын, тауарлар мен қызметтердi өндiретiн ұйымдардан конкурсты ұйымдастырушылар сатып алатын тауарлар мен қызметтердiң 2005 жылға арналған номенклатурасы мен олардың көлемi (пайызбен көрсеткенде) туралы» Қазақстан Республикасы Үкіметінiң 2004 жылғы 18 қарашадағы № 1213 қаулысына (Қазақстан Республикасының ПҮКЖ-ы, 2004 ж., № 45, 574-құжат) мынадай өзгерістер енгізiлсiн:

көрсетілген қаулымен бекітілген Қазақстан Республикасы мүгедектерiнiң қоғамдық бiрлестiктерi құратын, тауарлар мен қызметтердi өндiретiн ұйымдардан конкурсты ұйымдастырушылар сатып алатын тауарлар мен қызметтердiң 2005 жылға арналған номенклатурасында:

1-тармақтың 1), 3), 4) тармақшалары алынып тасталсын.

3. «Ауыл шаруашылығы өнiмiнiң жекелеген түрлерiн мемлекеттік сатып алудың кейбір мәселелерi туралы» Қазақстан Республикасы Үкiметінiң 2004 жылғы 27 наурыздағы № 371 қаулысының (Қазақстан Республикасының ПҮКЖ-ы, 2004 ж., № 15, 195-құжат) 1-тармағы 2) тармақшасының күші жойылды деп танылсын.

4. Осы қаулы алғаш рет ресми жарияланған күнінен бастап қолданысқа енгізіледі.

Қазақстан Республикасы

Үкіметінiң

2005 жылғы 8 сәуірдегі

№ 318 қаулысымен

бекітілген

Акцияларының (үлестерiнiң) елу және одан көп пайызы

немесе акцияларының бақылау пакетi мемлекетке тиесiлi

мемлекеттік кәсiпорындардың, заңды тұлғалардың және

олармен аффилиирленген заңды тұлғалардың (табиғи

монополиялар субъектiлерiн қоспағанда) тауарларды

кейiннен көтерме-бөлшек саудада сату мақсатында

сатып алуы мемлекеттік сатып алу мәнi болып

табылмайтын тауарлардың тiзбесi

1. Қоғамдық тамақтануды ұйымдастыру үшiн сатып алынатын азық-түлiк тауарлары:

ет және ет өнiмдерi (сиыр етi, шошқа етi, қой етi, жылқы етi, құс етi);

ет бұйымдары (шұжықтар, сүр ет, консервiлер);

өңдеуден өтпеген (тоңазытылмаған) балық;

сүт;

нан, нан-тоқаш өнiмдерi және кондитерлiк бұйымдар;

жұмыртқа;

ара шаруашылығының өнiмдерi;

жаңа пiскен көкөнiстер, жемiстер, цитрус жемiстер және жидектер;

томат пастасы;

кептiрiлген жемiстер;

тұздықтар, дәмдеуiштер, соустар, кетчуп;

ашытқы;

тауар өндiрушiлерден (олардың өкiлдерiнен) тiкелей сатып алынатын алкогольсiз сусындар.

2. Ауыл шаруашылығы шикiзаты және оны өңдеуден алынған өнiмдер:

ет және ет өнiмдерi (сиыр етi, шошқа етi, қой етi, жылқы етi, құс етi);

қосымша ет өнiмдерi;

ет бұйымдары (шұжықтар, сүр ет, консервiлер);

балық және балық өнiмдерi;

сүт және сүт өнiмдерi (қаймағы алынбаған сиыр, жылқы, түйе, ешкi сүтi, құрғақ сүт, сүзбе, сары май, қаймақ, кiлегей, iрiмшiктiң барлық түрлерi, қымыз, шұбат, iрiмшiк, казеин, құрт);

жұмыртқа және жұмыртқа өнiмдерi;

ара және ара шаруашылығының өнiмдерi;

iрi қара мал, қой, ешкi, шошқа және түйе терiлерi;

өңделген терiлер (вет-блю, үлбiр тонға арналған қой терiсi, боялған және боялмаған шала өнiмдер, былғары);

қой, түйе және ешкi жүнi;

тiрi мал (ipi қара мал, қойлар, ешкілер, түйелер, шошқалар, жылқылар, маралдар);

құстың барлық түрлерi;

маралдың мүйiзi.

3. Өзге де тауарлар:

оны алуды жүзеге асыратын жер қойнауын пайдаланушылардан тiкелей сатып алынатын табиғи, мұнайдан iлеспе алынатын, құрғақ және шикi газ;

отандық тауар өндiрушiлерден тiкелей сатып алынатын уран және оның қоспалары, тантал мен бериллийден алынатын өнiмдер.